Молитва святому праведному воину Феодору Ушакову


О преславный и достохвальный воине, флотоводче Феодоре, небесный защитниче и покровителю града нашего! Се ныне, память твою почитая и православно тя величая, смиренно молим тя: вознеси ко Господу Богу теплыя молитвы твоя о нас, и испроси у Него оставление всех согрешений наших, коими ежечасно преогорчеваем Его. Умоли Господа даровати нам ко Отечеству нашему любовь нелицемерную, мир и благоденствие Церкви нашей Православней, всем же нам телесное здравие и душевное спасение, христианскую кончину живота нашего и добрый ответ на Страшнем Суде Его. Ей, святче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да твоими молитвами получивше благодать и милость от Господа, прославим человеколюбие Отца и Сына и Святаго Духа и твое святое заступление, ныне и присно, и во веки веков. Аминь.

 

Молитвенная Помощь
Цитата дня
× Цитата дня
Христос претерпел распятие, для того чтобы нам воскреснуть, а мы безразличны!
преподобный Паисий Святогорец